Niillas Holmberg

poetry & music from the north

Upcoming events with the Sámi poet, musician, actor and activist Niillas Holmberg. 

LOGA DivttaT

Dát divttat bohtet leat fárus Niillasa čuovvovaš diktačoakkáldagas, mii almmustuvvá viehka farga.


MUORRA

Giidáneimme čakčat
ja vaikke beana dat gal jámii
ledjen ráhkásnuvvan

guokte mánu go golihedje
máilbmái buškkihii dihkk'oaivvat juŋká
Rimbaud, un poète maudit
ja su soaiggus oahppu
seavdnjudit iežas
vai oainnášii
visot

don it gierdan ábsintta hája
ja go oađđenlanjas gávdnui bissu
dopmen jáget su geidnosis

jorren duhtavašvuođa duojárin
baluid hahkken dievva geahppáid
ja árkkálmastima áibmui šohkon
dubmejin gierisvuođa
šoavlejieŋal

jos ráhkesvuohta livččii lasta
iige muorra, dan sáhtášii njielastit ollisin
muhto beaškalin baicce
Ráhkesvuođa lasta ii gávdno

ja don vašuhat Rimbaud'a



JUMEžat

Otne veiggodettiin
eahketvierudain áigge
Eallima jumešbeali vuhtodettiin
gákkan njálbmán goavkkil
dego cakkas gisttu

anne gullet
časkilin luottaid
gávdnen ja gálgen
gean čanaimet, čiegaimet

čuovuhin deikke
gos Eallin áli vuhtoduvvo
beasti láhkai bálvaluvvo
ja Jápmima doaladin
seammaláhkai lálláhin

gákkan njálbmán goavkkil
sánuhan suoivaniid
dadjalan dávttážiid
amamet čuovggas čalmmehuvvat
amaset lottit luottahuvvat
 


niillas.holmberg@gmail.com